頭皮老化快過塊面6倍？忽略3個驚號分分鐘加速脫髮、連臉都下垂
頭皮老化快過塊面6倍？忽略3個驚號分分鐘加速脫髮、連臉都下垂
唔講唔知，原來我地每日最緊張塊面有冇多條皺紋、多粒斑，但偏偏忽略咗一個老化得更快嘅部位就係 - 頭皮！研究指出，頭皮老化速度竟然係面部皮膚嘅6倍，身體皮膚嘅12倍！如果你發現頭皮成日痕癢、繃緊、異常出油甚至乾到有屑，唔好再忽視啦，呢啲通通都係頭皮開始衰老嘅警號。唔單止會令髮質變差、髮量變少，嚴重起嚟更會拉鬆面部皮膚，令輪廓下垂！唔使驚，即刻睇落去，教你點樣對症下藥，養返好頭皮，重拾健康濃密秀髮！
頭皮老化常見症狀 你中咗幾多樣？
髮質變差、髮量變少
頭髮幼咗、易斷？可能係毛囊萎縮，新生髮愈嚟愈脆弱。 跌髮量多過平時？頭髮生長速度追唔上脫落，髮量悄悄變稀疏。 白頭髮愈嚟愈多？血液循環差，毛囊吸收唔到營養，黑色素細胞都功能衰退。
頭髮冇光澤
頭皮健康同頭髮光澤度絕對有關，令頭髮失去光澤、變得乾燥。
頭皮狀態變差
頭皮水油失衡，皮脂線分泌減少，頭皮保濕力下降，唔單止變得乾燥﹑發癢，仲好容易出現細碎白屑。 頭皮屏障受損，抵擋唔到外界刺激，容易敏感、泛紅甚至刺痛。 頭皮鬆弛唔止髮根唔穩固，甚至會影響臉部肌膚，連塊臉都會跟住鬆！
點解頭皮會提早老化？
環境傷害
• 紫外線：破壞膠原蛋白，削弱頭皮保護力。 • 空氣污染：PM2.5等微粒堵塞毛孔，引致發炎。 • 乾燥環境：抽走頭皮水分，令屏障受損。
不當護理同化學刺激
• 用錯洗頭水：過度清潔或含刺激成分，會破壞天然皮脂膜。 • 頻密染燙同高溫造型：化學劑＋熱力傷害，令頭皮脆弱又油水失衡。 • 造型產品殘留：長期積累塞住毛囊，影響頭髮健康生長。
內在因素
• 年齡增長、荷爾蒙變化（如壓力、更年期）會減少膠原蛋白，影響頭皮健康。
不良生活習慣
• 熬夜、飲食不均衡、壓力大，會產生自由基，加速頭皮氧化同老化。
點樣有效對抗頭皮老化？重點做好「防脫育髮頭皮護理」！
想延緩頭皮衰老，關鍵在於： • 提升頭皮屏障保護力 - 選用溫和、保濕同修復型頭皮護理產品，強化頭皮防禦力。 • 激活毛囊生命力 - 保持毛囊暢通，減少油脂同殘留物阻塞，促進血液循環，等毛囊吸收足夠營養。 從今日開始，唔好再只顧塊面啦！頭皮健康先係保住青春同濃密秀髮嘅根本。立即檢視自己嘅頭皮狀態，揀對護理方法，由根源做起，守住年輕頭皮！