生髮治療把握黃金期 激活毛囊再生

男士脫髮先兆其實都幾明顯，例如每日掉髮量顯著增加﹑頭髮變幼變軟、髮際線後移等等，如果你可以把握黃金期，係毛囊未完全萎縮嘅時候就去處理問題，係可以令髮量可以重新變得濃密！簡單嚟講，就好似打理盆栽一樣，我地可以透過適當嘅「澆水、施肥」，活化同滋養現有嘅毛囊，等佢恢復健康。

常見生髮治療

激光生髮（低能量激光治療 LLLT）

利用低能量激光穿透頭皮，直接刺激毛囊根部，注入充分嘅能量激活細胞活力。有效改善頭皮血液循環，增加毛囊氧氣同營養供應，修復受損細胞，延長毛囊生長期。

藥物治療

外用生髮水：直接塗抹係頭皮上， 透過擴張頭皮嘅微細血管，改善血液循環，等毛囊可以吸收更多養分同氧氣，從而刺激頭髮生長。 口服藥物：主要用於男性雄性禿，抑制體內導致脫髮嘅關鍵荷爾蒙「二氫睪酮（DHT）」，從而減緩毛囊受攻擊同萎縮嘅速度。

植髮過程係點樣？

植髮手術係將後腦勺一啲唔受雄性素影響嘅健康毛囊，移植到禿髮區域。 FUE（毛囊單位抽取術）係用幼細鑽針逐粒毛囊鑽出嚟，冇明顯疤痕，恢復得快，適合想剷短頭髮或者唔想留痕跡嘅人。 FUT（毛囊單位移植術）就會切走一條頭皮再抽取毛囊，一次過可以種多啲頭髮，不過後尾枕會留低一條幼長嘅線形疤痕。

兩種方法各有適合嘅情況，揀邊種好就睇你頭髮狀況同需要啦。

植髮係咪可以一勞永逸?

理論上嚟講植髮係永久嘅，因為醫生係從你後尾枕位置攞啲毛囊去移植，果到嘅毛囊因為冇「5α還原酶」，所以冇辦法將睪固酮大量轉化為「二氫睪固酮（DHT）」，因此唔會出現因受DHT攻擊毛囊而出現萎縮導致掉髮嘅問題。不過植髮亦唔係一勞永逸，如果植髮之後唔好好保養，都有機會因為術後拉扯、清潔唔好或者本身毛囊唔夠健康而出事。所以話，植髮係咪永久，真係好睇你術後有冇跟足指引養護理。

幹細胞CRPA頭髮再生療程PRO

CRPA頭髮再生療程PRO同以前單純「補充營養」嘅生髮方式好唔同，採用嘅係新一代生髮技術。療程用嘅hbFGF（人類鹼性成纖維細胞生長因子）一注入頭皮，就會快速激活幹細胞同纖維細胞，直接促進毛囊細胞生長。

為咗達到最好效果，療程會配合微針射頻導入技術：

深入吸收： 透過微針導入，可以令CRPA PRO深入毛囊被吸收，發揮最大效用，激活頭皮底下休眠嘅毛囊，等毛囊重生，頭髮自然回復濃密。 毛囊重生： 當微針穿透皮膚表層，製造微小傷口，就會啟動皮膚自我修復機制。過程會刺激真皮層同毛囊裏面嘅幹細胞，釋放更多生長因子去毛囊，促進微血管增生，從而令毛囊再生。 生髮原料： 膠原蛋白係頭髮生長不可或缺嘅元素，亦係人體最豐富嘅蛋白質之一。療程中嘅人類生長因子會加速天然膠原蛋白形成，為頭髮重生提供充足原料，加快頭髮生長，改善頭髮稀疏問題。