染髮怕傷頭皮 教你避開頭皮受損陷阱
唔少香港人都貪靚，間中想染個新髮色，轉個形象，個人即刻精神啲、心情都好啲！不過你又有冇諗過，染髮染得太密又或者用錯染髮劑，分分鐘唔單止傷頭髮，仲可能傷埋頭皮，令頭皮敏感，出現髮絲變幼易嘅脫髮先兆，再嚴重甚至係毛囊受損，有永久禿頭危機？究竟染髮同脫髮有乜關係？點樣先可以染得又靚又安全？等我地同你一一拆解，等大家染髮前後都識得點樣保護頭皮健康啦！
染髮原理大拆解 頭髮點解會變色？
其實頭髮分三層：最外係透明嘅角質層，中間係有黑色素嘅皮質層（真正決定你髮色），最內係髓質層。 而染髮膏入面嘅鹼性成分會打開頭髮表面嘅毛鱗片，然後氧化劑就會滲入皮質層，將頭髮本身嘅黑色素分解褪走。最後，染劑入面嘅染料中間體同顯色劑一齊氧化，結合成大分子色素，鎖實係皮質層裡面，咁就上到色兼keep得耐。
永久、半永久、短暫染髮分別劑有咩分別？
染髮劑主要分為三大類，永久性、半永久性同短暫性，持久度同原理都唔同，揀之前了解清楚，就唔怕傷頭髮或者效果不如預期啦！
1. 永久性染髮劑 — 最持久但最傷髮
原理︰通常入面會含有阿摩尼亞同雙氧水。阿摩尼亞會強行打開頭髮表層嘅角質層，等雙氧水漂走頭髮本身嘅色素，然後染料先可以深入皮質層內部。 好處：可以染淺頭髮、完全改變髮色，或者完美遮蓋白髮，效果最徹底。 缺點：正因為化學作用最強，對頭髮嘅傷害性都最大，容易令頭髮變得乾燥、毛躁，而且如果產品含有PPD成分，部分人可能會出現過敏反應。
2. 半永久性染髮劑 — 溫和自然之選
原理︰通常不含或者只含好少量阿摩尼亞同雙氧水，染料分子較細，只會溫和地附係頭髮表層，或者微微滲入皮層淺層。 好處：顏色效果比較自然，有光澤感，而且對髮質傷害較細。好適合用嚟補染髮根，或者頭髮已經受損但又想轉色嘅朋友。 缺點：大約維持4至6個星期，洗頭10至15次左右就會慢慢褪色，變番原本嘅髮色。
3.短暫性染髮劑 — 即興玩色零負擔
原理︰呢類產品例如染髮噴霧、髮蠟、顏色粉餅等，完全唔會打開頭髮嘅角質層，染料只係好似化妝咁停留係頭髮最表面。 好處：絕對係臨時想轉造型、去派對、影相，或者貪玩想試下新顏色嘅最佳選擇，零風險。
染髮真係會甩頭髮？
好多人都有個疑問，就係染髮係咪真係會搞到脫髮？其實染髮劑入面嘅化學成分，好似阿摩尼亞﹑PPD，如果太頻密用，係有機會刺激到頭皮。因為如果你成日染髮，啲化學物就有機會接觸到頭皮，甚至滲入去，搞到頭皮過敏、發炎、痕癢，嚴重啲仲可能引致毛囊炎。呢種情況會干擾到毛囊嘅正常功能，令頭髮提早進入休止期，造成暫時性脫髮，望落去就好似甩多咗頭髮咁。
另外，化學物會破壞頭髮入面嘅蛋白質結構，令髮絲變得脆弱、乾旱、易斷。呢個唔係毛囊本身死咗，而係頭髮中間斷裂，所以感覺上係甩多咗頭髮。
染髮四大貼士 染得靚又唔怕甩頭髮
1. 產品選擇要精明
揀染髮劑同洗護產品時，要睇清楚成分，揀啲信譽好、天然草本成分多嘅產品，減少化學刺激。如果染完之後頭皮出現嚴重敏感，例如持續灼熱、紅腫，就要即刻求醫，唔好自己亂搽藥。
2. 染髮前做好準備
染髮前一定要check清楚頭皮有冇傷口或者發炎，有嘅話就千祈唔好染。 第一次用新染劑或者本身皮膚敏感，最好係耳背或者手腕內側做咗皮膚測試先（等30分鐘睇下有冇紅腫）。 另外染之前可以搽啲頭皮隔離液或者凡士林喺髮線、耳背位置，形成保護層，減低染劑直接刺激頭皮。
3. 染髮期間要留神
染緊嘅時候，如果感覺到頭皮痕癢或者有唔舒服，即刻要沖洗掉，唔好忍！染同燙最好分開做，每次相隔至少3個月以上，俾頭皮同頭髮休息下。
4. 染後護理要做足
染完之後嘅1至2個星期係護髮黃金期！要用返染後專用、性質溫和嘅洗頭水同護髮素（揀啲含角蛋白、維他命E或者天然植萃成分嘅產品），加強保濕同修復。頭一星期盡量避免日日洗頭，等頭皮油脂分泌平衡返。記住要多飲水、食多啲含維他命C例如番茄、奇異果以及豐富蛋白質嘅食物例如雞蛋、魚，幫助身體排毒同頭髮生長。
最高濃度幹細胞生髮因子 非一般的注入營養
不論你係因為染髮後出現脫髮﹑男士脫髮先兆定係壓力性脫髮，最緊要係盡早治療。幹細胞CRPA頭髮再生療程PRO可以從根本解決脫髮問題，關鍵就係在於從源頭入手，阻止頭髮繼續脫落，同時激活頭皮幹細胞同毛囊細胞，重新喚醒沉睡嘅毛囊，等頭髮生長週期可以重新啟動。再加埋生長因子hbFGF嘅加持，有效縮短頭髮生長周期，令原本稀疏嘅頭髮再次變得濃密茂盛。