男士 M 字額／地中海脫髮：成因、級別、改善方案
如果你開始留意到自己前額兩角向後退，或者頭頂愈來愈少頭髮，咁你好有可能踏入雄性禿嘅早期階段。其實M字額、地中海，唔止係中年男人嘅惡夢，近年愈來愈多年輕男士都中招。呢篇文章會詳細拆解男士脫髮成因、7級脫髮階段，仲有真正有效嘅改善方案，幫你搵返濃密頭髮！
男士M字額／地中海脫髮主要成因
男士脫髮最主要成因都同「雄性禿」有關。點解男人特別易禿？主要有三大原因：
1.家族遺傳 —— 最常見嘅脫髮元兇
如果你嘅父輩或祖父輩有M字額或地中海脫髮，你嘅風險自然會比一般人高。呢種遺傳基因會令前額同頭頂位置嘅毛囊對「雙氫睪酮（DHT）」特別敏感。DHT係由男性荷爾蒙轉化而成，佢會干擾頭髮正常生長周期，令毛囊逐步萎縮，最終壞死。
2.壓力與生活習慣 —— 香港人嘅日常陷阱
香港生活節奏急促，長時間工作、熬夜、精神緊張，都會擾亂體內荷爾蒙平衡。加上經常外出用餐，飲食偏向油膩，或者為咗減肥而過度節食，都會影響頭皮毛囊嘅營養吸收，進一步加速脫髮情況。所以生活習慣直接影響你嘅頭髮健康。
3. 頭皮油脂分泌過盛 —— 容易被忽略嘅原因
當雄性荷爾蒙過於活躍，會刺激皮脂腺分泌大量油脂，令頭皮變得油膩。毛囊一旦被過多油脂堵塞，唔止容易引致頭皮暗瘡或毛囊炎，仲會誘發或加劇脫髮問題。所以保持頭皮清爽、平衡油脂，都係防脫髮嘅重要一環。
雄性禿脫髮7階段 你係以下邊一級？
國際上常用Norwood Scale（諾伍德量表）將雄性禿分為7個階段，愈早發現，係毛囊未完全萎縮時候治療，保住頭髮嘅機率就愈高！睇下你而家喺邊個Level：
第1階段（正常狀態）：髮際線正常，前額位置未有明顯脫髮或向後退嘅跡象。
第2階段（輕微後退）：髮際線開始輕微向後退，隱約見到M字輪廓。
第3階段（明顯缺角）：禿頭嘅初期，太陽穴附近嘅髮際線明顯向後退，形成深凹M字。頭頂髮絲可能開始變細。
第4階段（區域擴大）：M字與頭頂禿髮區擴大，不過，前額同頭頂之間仍然有一條相對濃密嘅頭髮帶分隔開。
第5階段（前後相連）：前額同頭頂中間嘅毛髮分隔帶變得愈來愈窄同稀疏，兩個脫髮區域幾乎連成一片。
第6階段（全面稀疏）：頂部與前額幾乎全禿，兩個脫髮區域已經融合埋一齊，只剩兩側同後枕部有頭髮。
第7階段（嚴重禿頭）：只剩後頭部兩側同後枕位置有細軟毛髮，頂部完全光禿。
改善M字額、地中海實用方案
1. 藥物治療（適合初期至中期）
- 口服藥物 (含非那雄胺Finasteride）：阻截DHT生成，減緩脫髮進程。
- 外用生髮水（含米諾地爾Minoxidil）：刺激毛囊血液循環，延長生長期。
*注意：口服藥需醫生處方，可能有副作用，使用前必須諮詢專業人士。
2. 植髮療程（適合毛囊萎縮）
當毛囊萎縮壞死，就只能夠植髮改善。將後枕部唔受DHT影響嘅健康毛囊，移植到M字或地中海區域。效果永久，但價錢較高，而且需要恢復期。
3. 專業生髮療程（Bora Hair ）
採用獲臨床認證嘅先進技術，配合專業嘅頭皮分析儀，以及團隊多年累積落嚟嘅豐富實戰經驗，為每一位客人度身訂做最合適嘅頭皮護理方案。
無論你正面對嘅係頑固脫髮問題，需要針對性嘅生髮療程；抑或想改善頭皮整體環境、激活毛囊，追求更全面嘅活髮方案都能夠幫到你。
及早行動 拯救返你嘅頭髮
** 免責聲明： 本網站「真實見證」的內容只供參考，因為個人體質不同，使用產品或護理效果會有差異。如果您有任何疑問，歡迎您在購買美容服務前，直接聯絡我們的客戶服務人員，我們將樂意解答您的問題。