髮際線後移顯老？即睇5大防脫髮有氧運動
有冇成日覺得自己睇落比實際年齡成熟？明明同後生仔著同一款衫，但望落總係差啲咩？關鍵可能唔係皺紋，而係你嘅「髮際線」同「臉部比例」！今日就同大家拆解點樣透過運動，由內到外改善頭髮健康，重塑年輕視覺效果！
髮際線點解決定你嘅視覺年齡？
當髮際線過高，即刻會產生三大視覺效應： 1) 髮量睇落稀薄 2) 額頭顯得太闊 3) 面型比例失衡
特別係香港人工作壓力大，好多男士三十出頭已經出現M字額、額角後移，望落瞬間老咗5歲！
男女臉部黃金比例大不同
三庭比例係臉部美學嘅縱向劃分標準，將臉嘅長度分為三部分，包括 上庭（額頭）：從髮際線頂部到眉心 中庭（臉部）：從眉心到鼻底 下庭（下臉）：從鼻底到下巴尖
男性理想比例：上臉、中臉、下臉係 1:1:1 呢種均衡感最顯陽剛氣質
女性理想比例：最靚係 1:1:0.8 下巴稍短少少會顯得更柔和年輕
如果你發現自己上臉比例長過中下臉，好大機會就係髮際線後移又或者兩側額角稀疏影響黃金比例！
日日坐office居然加速脫髮？
香港人平均每日坐10小時以上，長期血液循環差，頭皮代謝率下降30-40%！頭皮同頭髮吸收唔到足夠營養，頭髮就會越生越幼，最後脫落。研究指出，運動不足人士嘅脫髮風險比定期運動人士高出2.3倍！
運動防脫髮科學原理 帶氧運動幫到你
1. 促進頭皮血液循環，輸送更多氧氣同營養到毛囊 2. 減低壓力荷爾蒙「皮質醇」，減少頭髮進入休止期 3. 提升免疫力，減少頭皮炎問題 4. 調節內分泌，改善雄激素過多引起嘅脫髮問題
推薦5種香港人易做的帶氧運動
1. 慢跑
▪ 每週3-4次，每次30分鐘 ▪ 保持心率係最大心率60-70%（簡單計算最大心率：220-減你嘅年齡）
2. 快步行
▪ 每日累積6000-10000步 ▪ 建議維持係微喘但仍然可以說話程度 ▪ 促進全身血液循環
3. 踩單車
▪ 低衝擊運動，有效保護膝頭 ▪ 每週3次，每次45分鐘 ▪ 可以配合深蹲，強化下肢泵血能力，提升整體循環效率
4. 游水
▪ 能加速全身血液循環，有助於毛囊獲得更多氧氣同營養 ▪ 記得戴泳帽，減少池水氯氣同雜質對頭皮傷害
5. 有氧拳擊
▪ HIIT模式：打30秒，休息15秒 ▪ 釋放壓力，緩解壓力對頭皮影響
溫馨提示：做完運動記得要洗頭，若果清潔不當，可能造成頭皮悶熱、堵塞毛囊，影響頭皮健康
除咗運動，仲要配合頭皮護理
其實頭髮就似植物，根部營養不足，上面點會茂盛？頭皮唔健康又點會有烏黑濃密嘅秀髮！想更有效促進毛囊及頭髮健康再生？ 防脫育髮頭皮護理 - 低劑量紅外線激光，經臨床實驗證明，能有效減少56%以上脫髮量
▪ 修復和激活毛囊中的表皮幹細胞 ▪ 促進頭皮血液循環 ▪ 為頭髮生長提供營養 ▪ 將毛囊轉移到毛髮生長期