男士之所以咁容易出現髮線後移，絕大部份原因都係源於雄性禿（Male Pattern Baldness）。呢個情況主要由遺傳基因同體內荷爾蒙雙重夾擊引致，除此之外，日常生活習慣都有好大影響。

1. 主要原因︰雙氫睾酮（DHT）與基因遺傳

男士之所以咁容易有M字額，絕大部份原因係雄性脫髮。呢個情況主要由荷爾蒙同基因雙重夾擊所引致

DHT攻擊頭皮毛囊：男士體內嘅睾酮，會被「5α-還原酶」轉化成二氫睪酮（DHT）。當你頭皮嘅毛囊對 DHT 過度敏感，DHT 就可以直接攻擊毛囊，縮短頭髮嘅生長週期，令原本粗壯嘅頭髮變細、變軟，最後毛囊萎縮甚至不再生長。

前額毛囊特別高危： 男士前額同頭頂嘅毛囊，偏偏帶有較多嘅雄性素受體，對 DHT 特別敏感，所以髮線後退同 M 字額往往係最先出現嘅徵兆。

家族基因遺傳： 如果你屋企人（例如阿爺、阿爸、舅父）有M字額或地中海問題，你遺傳到呢種脫髮基因嘅機會極高。

2. 男女荷爾蒙機制大不同

點解女士好少會出現咁明顯嘅M字額？

雄性激素濃度差異： 男士體內嘅睾酮水平天生比女士高出好多，轉化出嚟嘅DHT數量自然亦多好多。

雌激素保護：女士體內有高濃度嘅雌激素，可以有效抵禦雄性激素對毛囊嘅攻擊。因此女士脫髮多數表現為「頭頂整體稀疏」，極少會出現男士咁清晰嘅M字額或地中海。

3. 前額頭皮血液循環較差

血管分佈相對稀疏： 對比後腦勺，前額微血管嘅分佈本來就比較少。毛囊一旦開始受DHT影響而萎縮，養分同血液供給再跟唔上，就會加速頭髮退化。

香港人壓力大： 香港生活節奏極快、工時長，長期處於緊張狀態會令頭皮肌肉（如前額肌同帽狀腱膜）收縮，阻礙血液循環，毛囊吸收唔到養分，頭髮自然越生越弱。

4. 不良生活習慣

長期 OT 與壓力過大： 壓力會導致血管收縮、干擾荷爾蒙平衡，令頭髮加快脫落。

經常熬夜、睡眠不足： 毛囊細胞需要喺夜間進行自我修復，長期做「夜貓」等於令毛囊失去休息同生長嘅機會。

飲食不均衡： 經常叫外賣、食無定時，缺乏蛋白質、鋅、鐵同維他命B群，毛囊長期缺乏營養，想頭髮粗壯都難。

過度造型與清潔不當： 使用劣質髮蠟，又或者噴髮膠後冇徹底清潔頭皮，殘留物會阻塞毛孔或引致頭皮發炎，大大增加脫髮風險。

點樣判斷自己有冇M字額？

如果你發現前額兩側嘅頭髮變得越來越細、越嚟越軟，或者洗頭、吹頭嗰陣前額掉髮量明顯增加，髮線漸漸形成「M」字形，呢個就係頭皮發出嘅警號！

只要毛囊未完全壞死，一切都仲有得救！

想阻止 M字額惡化，最要緊係「及早介入」。目前市面上針對男士 M字額主要有以下三大治療方向：

1. 醫學認證實證藥物

口服處方藥： 能夠抑制 5α-還原酶，減少體內 DHT 嘅生成（大約可降低六至七成 DHT 濃度），從源頭阻斷 DHT 對毛囊嘅攻擊，防止毛囊繼續萎縮。 外用生髮水： 透過擴張頭皮微血管，促進血液循環，將氧氣同養分源源不絕咁送到毛囊，從而延長頭髮嘅生長期。

2.嶄新幹細胞科技：幹細胞CRPA頭髮再生療程PRO

如果唔想食藥，可以考慮幹細胞CRPA頭髮再生療程 激活毛囊幹細胞： 有別於傳統只係注入營養嘅普通生髮療程，佢引入咗hbFGF，能深入頭皮迅速激活幹細胞同纖維細胞。 重啟頭髮生長週期： 從源頭阻止脫髮，重新激活萎縮中嘅毛囊，並縮短頭髮休止期，令原本稀疏萎縮嘅前額頭髮再次變得濃密粗壯。

3. 微創植髮手術

如果你嘅脫髮問題已經去到中後期，前額額角嘅毛囊已經完全壞死同閉合，植髮就係最後同最直接嘅選擇 透過微創手術，提取後尾枕「不受雄性荷爾蒙（DHT）影響」嘅健康毛囊，逐粒移植去前額M字空缺位置。 移植後嘅毛囊會保留原本唔易脫落嘅特性，係改善嚴重髮線後移一勞永逸嘅方法。

預防M字額，越早行動效果越好！

髮線一後移，外表分分鐘睇落老十歲！如果發現自己前額兩邊開始變薄，千祈唔好抱住僥倖心態。儘早了解自己嘅脫髮原因，尋求專業頭皮評估與療程，把握毛囊嘅黃金拯救期，先可以徹底守住髮際線，重拾自信！