返工做到冇停手，放工仲要追劇、食宵夜，好多廿幾歲嘅後生仔女已經開始面對「髮線後移」、「頭髮愈來愈稀薄」嘅問題。你以為甩頭髮原因只係同遺傳有關？其實營養唔均衡同生活作息都會影響到頭髮健康。

要有一把濃密強韌嘅頭髮，唔係靠貴價護髮素咁簡單，而係要由內到外，補充頭髮最需要嘅「原材料」。今日就同大家詳細拆解，防脫髮最需要嘅 4大關鍵營養素，仲有香港人最易中招嘅飲食習慣。

4大防脫髮營養素，你食齊未？

1. 優質蛋白質

成條髮絲超過 90% 都係由角蛋白組成。如果你日日淨係食公仔麵、白飯，唔夠蛋白質，頭髮就會好似起樓冇鋼筋咁，又幼又脆，輕輕一拉就斷。

食物來源推薦︰雞蛋﹑瘦肉（豬肉、牛肉、雞胸肉）﹑三文魚、吞拿魚、蝦﹑豆腐、無糖豆漿、枝豆 貼士： 早餐加隻蛋，午餐食件雞扒，晚餐飲碗豆腐湯，好簡單就達標。

2. 維他命B雜

維他命B7會幫你合成角蛋白，而B9同B12就負責製造紅血球，將氧氣運上頭皮同毛囊。如果唔夠B雜，頭髮會生長得好慢。

食物來源推薦︰全熟蛋黃、堅果（核桃、杏仁）、全穀物（糙米、燕麥）、深綠色蔬菜 貼士：成日飲咖啡奶茶會影響B雜吸收，最好隔開1-2小時先食補充品或高B雜食物

3. 鐵質

鐵質係製造血紅素嘅核心。如果鐵唔夠，紅血球就運唔到氧氣上頭皮，毛囊長期缺氧，就會好似植物缺水咁乾枯脫落。

食物來源推薦︰紅肉（牛肉、豬肉）、豬潤、鴨血、豬血、菠菜、黑木耳、生蠔、蜆、豆類、堅果 貼士：食完鐵質豐富嘅食物，最好即刻食個奇異果或者橙呢啲高維他命C嘅水果，可以提升植物性鐵質吸收率！

4. 鋅與其他微量元素

鋅係毛囊細胞分裂同蛋白質構成嘅關鍵。有研究發現，甩頭髮嚴重嘅人，體內鋅水平都偏低。而海帶嘅碘質同大豆異黃酮，可以幫助平衡荷爾蒙，減慢雄性禿。

食物來源推薦︰生蠔、蜆、南瓜籽、黑芝麻、納豆、雞蛋

把握11pm – 2am夜間黃金修復期

夜晚11點到凌晨2點呢幾個鐘，係你身體最忙嘅時候。唔係講緊忙住打機或者睇劇，而係忙住幫你維護頭髮。呢段時間，身體嘅內分泌同新陳代謝係最旺盛嘅，頭皮細胞會趁機再生，毛囊都會自己修復。但如果你仲喺度碌手機或者食緊宵夜，咁就大鑊。頭皮啲微血管會縮返埋，唔能夠正常擴張，賀爾蒙又會亂晒，搞到皮脂腺狂出油。

結果就係毛囊塞住，頭皮又油又有頭瘡，慢慢演變成脂溢性脫髮。所以，如果你真係想保住你啲頭髮，唔好諗咁多，11點前乖乖上床瞓覺。

想減肥又想保住把頭髮？三餐必先要定時

當你極端節食嘅時候，你身體就會進入飢荒模式。將所有有限嘅營養，優先分比心、腦、肝呢啲維持生命嘅核心器官。而頭髮因為係「非必要」，所以就會暫停生長。

結果就係你節食幾個月之後，會突然發現自己洗手、沖涼嗰陣，一甩就甩好多頭髮。呢個就係所謂嘅「休止期脫髮」，到時就後悔。所以想減肥唔係唔得，但一定要三餐定時定量，食足夠嘅蛋白質同營養。

想改善脫髮問題？先戒以下食物

1. 高糖、高油炸食物

呢類食物食得多，會刺激皮脂腺狂出油，搞到頭皮長期發炎，毛囊塞滿晒油脂，增加脫髮機會同生埋頭瘡。

2. 重口味食物

鹽分食得太多，會加重腎臟負擔，除咗影響身體代謝，仲會令水分滯留影響血液循環，導致營養好難傳送到毛囊，結果就係加速甩頭髮。大家日常可以減少出去食飯，如果真係要出街食，記得叫「少汁」或者「汁另上」。

防脫髮終極攻略｜從日常營養攝取到頭皮深層淨化

了解日常飲食同作息調整，你可能會問「我已經食得健康、瞓得足，點解頭髮仲係越甩越多？」原因在於頭皮係頭髮嘅「土壤」，如果土壤長期積聚過多油脂、老化角質、細菌，甚至慢性炎症，就算你食幾多蛋白質、幾多維他命，毛囊都吸收唔到，營養只能「路過」而無法停留。要真正逆轉脫髮，單靠日常保養並唔夠，必須先從頭皮根本入手。

Bora Hair防脫育髮頭皮護理以專業儀器分析你嘅頭皮狀況，再制定個人化方案。Bora Hair唔會盲目推薦療程，我地重視「先檢測、後治理」。 如果你已經試過轉洗頭水、食補品都未見效，不如先由「頭皮土壤」開始改善。

即時預約 Bora Hair 嘅【免費頭皮毛囊檢測】，搵出甩髮根源，再對症下藥！