吸煙真係會導致脫髮？拆解煙害與禿頭嘅致命關係
食煙傷個肺就係人都知，但你又知唔知手上拎住果枝煙都係加速你變「地中海」嘅幫凶！越來越多研究同皮膚科醫生都指出，吸煙係加速脫髮、甚至加劇雄性禿嘅隱形兇手！如果你發現近排頭髮越嚟越稀疏，髮線開始後退等脫髮先兆，可能唔止關壓力同基因事，你手頭上支煙都隨時係元兇之一。等我地一齊拆解食煙點樣一步步傷害你嘅頭皮同毛囊啦。
食煙真係會令你變禿頭？五大原因話你知！
一支煙燃燒後釋放出嘅煙霧，裏面含有超過4,700種化學物質，當中好多都係有害甚至係致癌物。你每吸一口，呢啲毒素唔單止入肺，更會透過血液循環同直接接觸，襲擊你嘅頭皮毛囊。
1.血液循環變差，毛囊失去足夠養分
煙草中嘅尼古丁，最直接嘅影響就係令到全身血管收縮，頭皮微細血管都唔例外。血管收窄，等同於切斷咗毛囊嘅營養同氧氣供應線。毛囊冇足夠養分，頭髮蛋白質合成受阻，生長周期被打亂，頭髮就會變得幼弱、生長緩慢，甚至提前脫落。更加可怕嘅係吸煙時產生嘅一氧化碳，會同血液中嘅血紅蛋白結合，大大降低血液嘅攜氧能力。簡單嚟講，就算血液去到頭皮，都冇足夠氧氣比毛囊用，成個頭皮環境長期處於「缺氧」狀態，毛囊想唔萎縮都難。
2.損害毛囊細胞嘅DNA 打亂生長周期
香煙煙霧含有苯並芘、亞硝胺等強力致癌物。呢啲物質可以損害毛囊細胞嘅DNA，令頭髮嘅生長期被逼縮短，更多頭髮提早進入衰退期同休止期，造成頭髮稀疏、脫落量增加。
3.自由基攻擊毛囊細胞
吸煙會令體內積聚大量自由基，造成所謂嘅「氧化壓力」。呢啲自由基會攻擊同破壞毛囊細胞嘅蛋白質同結構，導致細胞加速衰老同凋亡。當毛囊細胞死得快過新生速度，脫髮問題自然日益嚴重。
4. 毛囊發炎纖維化
尼古丁會激發身體嘅發炎反應，吸引發炎細胞聚集係毛囊周圍，慢慢破壞毛囊組織，導致組織纖維化同萎縮。一但毛囊被疤痕組織取代，就永遠失去生髮能力，造成永久性脫髮。
5. 影響荷爾蒙分泌
研究指出，吸煙會影響荷爾蒙代謝，可能令體內雄性激素（如二氫睪固酮DHT）水平升高。DHT正係導致導致毛囊萎縮、頭髮變細變短嘅主要原因。有數據顯示，每日吸煙超過20支嘅男性，出現中度至嚴重雄性禿嘅風險顯著更高。
二手、三手煙同樣會傷害頭髮
唔好以為唔直接吸煙就冇事！殘留係環境、衣物、傢俬上嘅二手煙同三手煙同樣會釋放有害物質，對頭皮造成影響。特別係三手煙難以完全清除，長期接觸一樣會破壞頭皮健康。
護髮從戒煙開始
如果你開始擔心自己嘅髮際線，最快同最有效嘅方法就係立即戒煙！ 戒煙唔單止幫你慳錢、改善心肺健康，更係拯救你毛囊嘅第一步。當然我地都明白戒煙需要時間，係呢段時間我地可以點做去降低吸煙對頭髮嘅影響？
食煙傷頭髮？記住補三樣嘢救亡！
關鍵在於補充維他命C、維他命E同鋅呢三種營養素。
維他命C：幫手清除自由基、還原維他命E，仲有助合成膠原蛋白。要攝取？多食番石榴、奇異果、橙、檸檬同綠葉菜。
維他命E：減少自由基破壞頭皮組織。可以食杏仁、榛子、葵花籽油、牛油果同深綠色蔬菜。
鋅：促進角蛋白合成，對抗脫髮同毛囊萎縮特別有效！記住食生蠔、帶子、南瓜籽、腰果、瘦肉同全穀類。
專業育髮療程 拯救頭髮毛囊
髮線後移﹑頭頂稀薄等等都係男士脫髮先兆，脫髮會在5年時間惡化至嚴重程度。大家有冇聽幹細胞生髮？Bora Hair幹細胞CRPA頭髮再生療程PRO中嘅生長因子hbFGF，有效縮短頭髮生長週期，令稀疏的頭髮再次變得濃密。